Беларусь павялічыць вытворчасць «чарніла»
33- 2.09.2014, 19:40
- 15,207
У Беларусі павялічаныя квоты на вытворчасць фруктова-ягадных і пладовых мацаваных марачных вінаў.
Пра гэта паведамляе БелТА, спасылаючыся на пастанову Савета Міністраў ад 29 жніўні №852.
Дакументам уносяцца змены і дапаўненні ў пастанову ад 24 снежня 2013 года №1123, якім устаноўленыя квоты на вытворчасць у 2014 алкагольнай прадукцыі, нехарчовага этылавага спірту, сродкаў дэзінфекцыі, антысептычных лекавых і ветэрынарных сродкаў, якія адносяцца да нехарчовай спіртаўтрымліваючай прадукцыі, прызначаных для рэалізацыі на тэрыторыі Беларусі. Так, квота на вытворчасць фруктова-ягадных натуральных він павялічана з 293 тысяч да 433 тысяч дэкалітраў, а на вытворчасць пладовых мацаваных марачных він палепшанай якасці і спецыяльнай тэхналогіі - з 15,464 млн да 15,604 млн дэкалітраў.
У той жа час вытворчасць савецкага шампанскага і іншых пеністых він, згодна з пастановай, павінна скараціцца з 2,150 млн да 1,7 млн дэкалітраў.
Фруктовага дыстыляту ў Беларусі будзе выраблена на 1 тысячу дэкалітраў больш (не 20 тысяч, а 21 тысяча). Акрамя таго, пастановай устаноўлены квоты на вытворчасць у 2014 віннага вінаграднага кулера (35 тысяч дэкалітраў), моцных спіртных напояў (3 тысяч дэкалітраў), збожжавага дыстыляту (2 тысячы дэкалітраў).
Пастанова ўваходзіць у дзеянне пасля яе афіцыйнага апублікавання.