Свабодны тэатр распавёў гісторыю Алеся Бяляцкага
1- 20.09.2014, 14:04
- 3,635
А са сцэны тэатра ў Лондане прагучала «Жыве Беларусь!».
Паказ спектакля «Кошт грошай» прайшоў у пятніцу ўвечары на сцэне лонданскага тэатра Albany.
Ягоная трансляцыя адбылася на сайце charter97.org.
Адным з эпізодаў спектакля стала рэальная гісторыя былога беларускага палітвязня Алеся Бяляцкага і праваабарончага цэнтра «Вясна», якіх пераследавалі за дапамогу рэпрэсаваным.
У канцы спектакля прадзюсэр тэатра Наталля Каляда сказала, што тэма грошай і карупцыі вельмі важная ў Беларусі праз цяперашні палітычны рэжым:
«Гэты тыдзень - асаблівы, таму што 15 гадоў таму былі выкрадзеныя і забітыя палітыкі ў Беларусі. І ў нас дагэтуль застаюцца палітычныя зняволеныя, да якіх уладам дагэтуль не было і няма ніякай справы. Сёння многія людзі з Беларусі, а таксама з Расеі і Украіны глядзяць гэтую прамую трансляцыю, таму што нам нельга выступаць у Беларусі. Давайце ўсе разам папляскае і гукнем ім разам «Жыве Беларусь!», - сказала яна са сцэны пасля прэм'еры, і зала разам з акторамі падхапіла яе словы авацыямі.