Начная пагоня ў Гомелі: бяспраўнік спынялі стрэламі

Бяспраўнік на Rover 620 справакаваў стральбу, калі спрабаваў схавацца ад двух экіпажаў ДПС.

Пагоня пачалася на скрыжаванні вуліц Савецкай і Кожара ў Гомелі, а скончылася каля вёскі Бабовічы. Некаторымі падрабязнасцямі падзяліліся ў абласной ДАІ, піша onliner.by.

Пачалося ўсё з таго, што а 1:30 экіпаж ДАІ паспрабаваў спыніць Rover з дапамогай гукавой і светлавой сігналізацыі. Той ірвануў па Савецкай. Паскорыўшы, пачаў віляць па дарозе, не даючы сябе абагнаць. Да пераследу далучыўся другі экіпаж.

Ужо за межамі горада інспектары расцанілі дзеянні кіроўцы як пагражаючыя жыццю і здароўю людзей. Пастанавілі ўжываць зброю. Недалёка ад Бабовічаў пасля галасавога папярэджання яны сталі страляць з пісталета ў паветра. Аўтааматар палічыў за лепшае спыніцца.

За рулём апынуўся 28-гадовы грамадзянін, які пакуль не атрымліваў пасведчання кіроўцы, але рэгулярна трапляецца супрацоўнікам ДАІ. Сем разоў яго прыцягвалі да адказнасці за кіраванне без пасведчання.

На восьмы раз складзена 10 адміністрацыйных пратаколаў, у тым ліку за непадпарадкаванне законнаму распараджэнню ці патрабаванню службовай асобе пры выкананні ім службовых паўнамоцтваў.