ЕЗ прадоўжыў на год гандлёвыя прэферэнцыі для Украіны
- 20.09.2014, 17:30
- 4,915
Рада Еўразвязу ўхваліў падаўжэнне прэферэнцый у гандлі з Украінай да 31 снежня 2015 года.
Адпаведная пастанова апублікаваная ў афіцыйным часопісе ЕЗ, піша «Укрінфарм».
Дакументам уносяцца адпаведныя змены ў пастанову Рады ЕЗ №374 ад 20 чэрвеня 2014 года, якімі гандлёвыя прэферэнцыі для Украіны ўводзіліся да 1 лістапада 2014 года.
Гэтыя гандлёвыя прэферэнцыі касуюць тарыфы на суму да паўмільярда еўра ў год. Гэта ахоплівае 94,7% тарыфаў ЕЗ на прамысловую прадукцыю з Украіны, а таксама ўсю ўкраінскую сельскагаспадарчую прадукцыю.
Украінскі экспарт у краіны Еўразвязу павінен адпавядаць еўрапейскім патрабаванням, што да абароны геаграфічных пазначэнняў (найменняў) прадукцыі.