Барысаўчанка кінулася пад цягнік Санкт-Пецярбург-Менск

Жыхарка Барысава кінулася пад цягнік Санкт-Пецярбург-Менск і атрымала смяротныя траўмы.

Пра гэта паведамілі charter97.org у прэс-службе МУС Беларусі.

Інцыдэнт адбыўся на прыпыначным пункце Пячынскі. Загінулай было 43 гады. Паводле звестак міліцыі, гэта быў суіцыд.

На гэтым тыдні гэта ўжо не першы выпадак гібелі людзей на чыгунцы. Раней пад коламі электрычкі Менск-Асіповічы загінуў малады чалавек, які лёг у каляіну на пероне Калядзічы-Міханавічы.

У МУС нагадваюць, што чыгунка - гэта зона падвышанай небяспекі. Грамадзянам, якія вырашылі перайсці чыгуначныя шляхі, трэба памятаць, што тармазны шлях цягніка можа складаць не адну сотню метраў.