Экспертыза пацвердзіла смерць зніклага ва Украіне журналіста Сценіна
14- 10,835
Вынікі генетычнай экспертызы пацвердзілі смерць расейскага фотакарэспандэнта Андрэя Сценіна на паўднёвым усходзе Украіны.
Пра гэта паведамляе прэс-служба Следчага камітэта РФ, піша РБК.
У рамках расследавання крымінальнай справы паводле факта знікнення фотакарэспандэнта МИА «Россия сегодня» атрыманае заключэнне судова-медыцынскай і малекулярна-генетычнай экспертыз. У адпаведнасці з высновамі экспертаў, фрагменты астанкаў аднаго з загінулых на паўднёвым усходзе Украіны належаць Андрэю Сценіну, гаворыцца ў паведамленні ведамства.
Паводле версіі следства, 5 жніўня аўтамабіль журналіста быў абстраляны на аўтадарозе Снежнае - Дмітраўка. У той дзень ён ехаў у Renault Logan у складзе калоны бежанцаў. «На паўночны-захад ад населенага пункта Дмітраўка ўкраінская армія, як мяркуецца 79 аэрамабільная брыгада, з БМП-2 і танка адкрылі па гэтай калоне агонь на паразу. Агонь вёўся з гармат фугаснымі снарадамі і з кулямётаў Калашнікава танкавых (ПКТ)», - адзначаецца ў паведамленні СКР. У выніку было знішчана больш за дзесяць машын з мірнымі жыхарамі.
На наступны дзень да месца абстрэлу калоны прыбылі ўкраінскія вайсковыя кіраўнікі. «Яны не толькі аглядалі знішчаныя машыны і целы загінулых, але і, на сведчанне відавочцаў, грузілі рэчы са знішчаных машын у свой транспарт, абшуквалі целы загінулых. Пасля іх ад'езду тэрыторыю, на якой знаходзіліся знішчаныя машыны і целы загінулых, абстралялі з рэактыўных установак залпавага агню «Град», - заяўляюць расейскія следчыя.
СКР адзначае, што толькі 27 жніўня апалчэнцам атрымалася перадаць у распараджэнне расейскага следства пакет з фрагментамі абгарэлых астанкаў пяці чалавек, выяўленых у разбураным Renault Logan.
Следства мае намер не толькі ўсталяваць усе акалічнасці гібелі Андрэя Сценіна, але і канкрэтных вінаватых асоб, якія падлягаюць прыцягненню да крымінальнай адказнасці, заявіў кіраўнік прэс-службы Следчага камітэта Уладзімір Маркін.