29 сакавiка 2024, Пятніца, 15:10
Падтрымайце
сайт
Сім сім,
Хартыя 97!
Рубрыкі

Расейскі бізнэсовец адновіць старадаўнюю сядзібу ў Відзах на Браслаўшчыне

5
Расейскі бізнэсовец адновіць старадаўнюю сядзібу ў Відзах на Браслаўшчыне

У Відзах з удзелам расейскага капіталу адновяць старадаўнюю сядзібу, дзе калісьці праводзіліся SPA-працэдуры, а таксама была магчымасць прыняць ванну з мінеральнымі водамі.

Пра гэта паведаміла старшыня праўлення БГА «Адпачынак у вёсцы» Валерыя Кліцунова.

Апошнімі гады цікавасць бізнэсу да падобных праектаў істотна ўзрасла. «Праект ужо ў стадыі рэалізацыі, - распавяла эксперт, - аднак гаварыць аб высокай рэнтабельнасці гэтага бізнэсу на пачатковым этапе пакуль нельга».

Акрамя таго, інвестары сталі больш актыўна ўкладваць сродкі ў стварэнне аграсядзібаў. «У краіне пастаянна расце колькасць аграсядзібаў, і да нас цяпер прыходзяць людзі з вялікім капіталам, якія ўкладаюць грошы ў беларускую вёску. Гэтыя выдаткі хутка не акупяцца, паколькі стварыць сядзібу - гэта даволі стратная справа. Як правіла, такія турыстычныя комплексы ствараюцца там, дзе раней ужо размяшчаліся сядзібы. Я вельмі спадзяюся, што гэтая новая хваля ўпрыгожыць аблічча беларускай вёскі», - сказала старшыня праўлення БГА «Адпачынак у вёсцы».

«Заможныя людзі гатовыя ўкладваць сродкі ў аднаўленне такіх аб'ектаў, думаю, гэтая тэндэнцыя не памрэ, а наадварот, будзе распаўсюджвацца, і Беларусь будзе краінай замкаў і сядзіб», - цытуе Кліцунова БелТА.

Напісаць каментар 5

Таксама сачыце за акаўнтамі Charter97.org у сацыяльных сетках