Financial Times прарочыць хвалю пратэстаў у Расеі

Тактычныя перамогі часта заканчваюцца стратэгічнымі паразамі. Вось што чакае Уладзіміра Пуціна.

Так пачынае свой артыкул у The Financial Times Лілія Шаўцова, старшая навуковая супрацоўніца Moscow Carnegie Center.

Спачатку Захад стрываў анэксію Крыму, а ўкраінская старана не працівілася.

"Але, ператварыўшы Расею ў дзяржаву, якая ваюе, Пуцін разбудзіў працэс, які сам не ў сілах спыніць, і зрабіў сябе закладнікам самагубнага стылю дзяржаўнага кіравання", - сцвярджае аўтарка.

На погляд Шаўцовай, мірны план, абвешчаны Пуціным у верасні, - "спроба афіцыйна замацаваць новы статус-кво". "Крэмль выразна дае зразумець, што альтэрнатыва - працяг кровапраліцця", - піша аўтарка.

Захад прадэманстраваў, што не гатовы ні распаўсюдзіць на Украіну свой "парасон бяспекі", ні выканаць абавязацельствы як гарант яе тэрытарыяльнай цэласнасці. Наваросія неўзабаве стане рэальнасцю.

Значыць, Пуцін перамог? Не, ён зноў пралічыўся, піша Шаўцова.

Пуцін думае, што зможа падпарадкаваць сабе расейцаў, задаволіўшы перманентную канфрантацыю Расеі з навакольным светам. Але "расейскае грамадства змірыцца толькі з кароткай і пераможнай вайной. Яно не гатова да кровапраліцця". На думку Шаўцовай, весткі аб гібелі расейскіх вайскоўцаў ва Украіне ўжо пачалі падрываць патрыятычны настрой.

"Неўзабаве зніжэнне ўзроўню жыцця таксама стане прычыняць нязручнасці", - адзначае яна.

На погляд Шаўцовай, Наваросія таксама неўзабаве стане праблемай: "Крамлю прыйдзецца супрацьстаяць цяжкаўзброеным сепаратыстам, пакрыўджаным на тое, што ім не ўдалося дабіцца "стыпендыі" ад Масквы. У той жа самы час на радзіме пачнецца хваля пратэстаў".