Пасажыраў рэйса Менск - Санкт-Пецярбург падверглі дадатковаму дагляду
3- 30.09.2014, 17:01
- 12,559
З дадатковым кантролем нечакана сутыкнуўся рэйс FV 6810 авіякампаніі «Расея» Менск - Пецярбург.
Пасля прызямлення ўсіх пасажыраў адвезлі ў бок ад новага тэрмінала Пулкава і зверылі асабістыя звесткі.
«Супрацоўнік паліцыі пытаўся прозвішча-імя-імя па бацьку і ўносіў іх у планшэт, мабыць, спраўджваючы з нейкай базай звестак, - паведаміў «Фантанцы» чытач Сяргей. - Лятаю часта і першы раз сутыкаюся з тым, каб пасажыраў правяралі па прылёце. Прычыну паліцэйскай цікавасці не патлумачылі».
Увага да пасажыраў не звязаная са здарэннем. З першапачатковай інфармацыі, нібыта пры рэгістрацыі багажу адбыўся збой, і менавіта для карэктнай выдачы сумак і валізак патрэбна была зверка асабістых звестак.
У кампаніі «Паветраныя вароты Паўночнай сталіцы» зняпраўдзілі гэтую версію: «Сістэма працуе ў штатным рэжыме, ды і не магло быць няспраўнасцяў. Багаж рэгіструецца ў аэрапорце вылету, а ў Пулкава ён аўтаматычна паступае на стужкі».
Паводле іншых звестак, транспартныя паліцыянты зладзілі сустрэчны дагляд, або дагляд па прыбыцці. Яго ўжываюць да пасажыраў міжнародных рэйсаў. Чарговае ўказанне ўзмацніць кантроль паступіла ў пачатку верасня.
У УТ МУС Паўночна-Захаду пацвердзілі планавае мерапрыемства ў выбарачным узмоцненым даглядзе пасажыраў, якое прайшло ў штатным рэжыме.