Намесніка дырэктара Менскага медкаледжа затрымалі пры атрыманні хабару
6- 4.09.2014, 18:55
- 12,920
Партызанскі РАСК распачаў крымінальную справу ў дачыненні да намесніка дырэктара Менскага дзяржаўнага медыцынскага каледжа.
Са слоў афіцыйнага прадстаўніка УСК Менску Аляксандра Герасімава, мужчыну затрымалі супрацоўнікі АБЭЗ проста ў кабінеце пры атрыманні хабару, піша БелаПАН.
20 млн рублёў збіраўся перадаць намесніку дырэктара індывідуальны прадпрымальнік за спрыяльны выбар для пастаўкі ў каледж кампутарнай тэхнікі і ўкладання з ім дамовы.
Як паведаміў Аляксандр Герасімаў, паводле гэтай справы будуць праведзеныя ўсе неабходныя следчыя дзеянні і аператыўна-вышуковыя мерапрыемствы.