Audi зменіць дызайн усіх сваіх мадэляў

Audi прывязе на лістападаўскае Маторшоў у Лос-Анджэлесе канцэптуальны «купэпадобны» седан.

Ён прадэманструе новы фірмовы стыль, у якім будуць выкананыя ўсе будучыя мадэлі. Пра гэта паведамляе выданне Autocar са спасылкай на крыніцу, блізкую да кампаніі, піша АutoСonsulting.

Новая стылістыка распрацаваная пад кіраўніцтвам новага шэф-дызайнера Марка Ліхтэ, якi раней працаваў над выглядам Volkswagen Golf і Passat апошніх пакаленняў. Са слоў суразмоўцы Autocar, на прататыпе пакажуць новую інтэрпрэтацыю традыцыйнай «адзінай» рашоткі радыятара Audi, а таксама варыянт цалкам электроннай прыборнай панэлі, якая дэбютавала на сямействе TT.

Таксама аб прататыпе вядома, што яго габарытныя даўжыня перавысіць пяць метраў, ён атрымае лазерныя фары галаўнога святла, а ў яго аснове будзе ляжаць тое ж шасі, якое пасля з'явіцца на флагманскім седане A8 наступнага пакалення.

Раней паведамлялася, што Audi адклікае 70 тысяч аўтамабіляў ва ўсім свеце праз праблемы з тармазамі.