П'яны жыхар Віцебска ў РАУС напаў на міліцыянта

Незвычайны выпадак адбыўся ў Віцебску.

Злачынец напаў з нажом на міліцыянта проста ў будынку РАУС Першамайскага раёна абласнога цэнтра, піша «Савецкая Беларусь».

Пяцідзесяцігадовы віцяблянін у стане моцнага ап’янення быў дастаўлены ў аддзяленне пасля п'янай бойкі. У сябе дома ён піў у кампаніі жонкі і знаёмага, у нейкі момант яму здалося, што сабутэльнік няветліва размаўляе з яго дамай. Абражаны, ён схапіўся за нож і ледзь не забіў госця. Дзякуючы таму, што жанчына адразу выклікала хуткую, ахвяру ўдалося выратаваць.

Калі раз'юшанага мужа прывезлі ў аддзяленне, ён папрасіўся ў следчага ў туалет. Яго адпусцілі, нават не падазраючы, што ў прыбіральні ён зробіць яшчэ адно злачынства.

Пакуль мужчына знаходзіўся ў прыбіральні, у прыбіральню зайшоў супрацоўнік міліцыі, які высвятляў нейкае пытанне па мабільніку. Тое, што здарылася далей, было падобна на дурны серыял.

- Не паспеў міліцыянт адкрыць дзверы ў кабінку, як хтосьці спрытным локцевым заціскам ахапіў яго ззаду, іншай рукой спрабуючы вырваць тэлефон. Афіцэр здзівіўся, але не разгубіўся: прафесійным прыёмам паклаў нападніка на падлогу, заламаў рукі і паклікаў на дапамогу калег, - распавёў журналістам пракурор аддзела пракуратуры вобласці Уладзіслаў Нарыжны.

У судзе злачынца прызнаўся, што сам не ведае, навошта накінуўся на міліцыянта проста ў будынку РАУС. Казаў, што мабільнік яму быў не патрэбны, проста наважыў скрасці на аўтапілоце.

За замах на забойства і рабаванне мужчына атрымаў сем з паловай гадоў пазбаўлення волі. Акрамя таго, суд абавязаў яго выплаціць пяць мільёнаў рублёў у якасці кампенсацыі маральнай шкоды абрабаванаму міліцыянту і 40 мільёнаў - на карысць цудам выжыўшага пасля нажавых раненняў мужчыны.

Прысуд увайшоў у дзеянне.