Пад Горадняй перакулілася фура з 12 тонамі грузу
- 14.01.2015, 10:13
- 8,497
Кіроўцу стала кепска за стырном.
13 студзеня на дарозе «Брузгі-Менск» перакулілася фура, што перавозіла з Польшчы ў Расею 12 тон грузу. Са слоў відавочцаў, грузавы ДАФ рухаўся ў прамым напрамку, як раптам яго павяло ў бок, піша «Гарадзенская праўда».
Седлавы цягач выехаў за межы праезнай часткі і апынуўся ў кювеце. У выніку ДТЗ кіроўца фуры не пацярпеў.
З ягоных слоў, у момант руху яму рэзка стала дрэнна, што і адцягнула яго на долі секунды ад кіравання.