Помста за паркоўку: у Менску невядомы прабіў колы ў 11 аўтамабіляў
164- 24.01.2015, 12:39
- 34,925
22 студзеня на вуліцы Голубева ў Менску невядомы пракалоў колы ў 11 аўто.
Уладальнікі аўтамабіляў выклікалі ДАІ, аднак інспектары спачатку аштрафавалі саміх кіроўцаў за няправільную паркоўку, паведаміў тэлеканал СТВ.
Пасля гэтага ў міліцыі прынялі заявы ад 11 пацярпелых.
У агульнай складанасці зламыснік пракалоў 44 колы. Як аказалася, гэта ўжо не першы выпадак. Няправільна прыпаркаваным у гэтым месцы аўтамабілям ужо праколвалі колы летам 2014-га і месяц таму.