Украіна патрабуе склікання Рады бяспекі ААН праз абстрэл Марыюпаля

Арсеній Яцэнюк намагае склікання Рады бяспекі ААН.

Пра гэта ён сказаў на пасяджэнні аператыўнага штаба аб сітуацыі ў Марыюпалі ў суботу ў Кіеве, піша "Інтэрфакс".

"Я сёння склікаў сустрэчу паслоў Вялікі сямёркі і паслоў краін - чальцоў РБ ААН. Мы звяртаемся да нашых заходніх краін і чальцоў Рады бяспекі ААН неадкладна склікаць пасяджэнне Рады бяспекі ААН", - заявіў Арсеній Яцэнюк.

Пазней у суботу МЗС Украіны выступіў з заявай, у якой выказаў надзею, што абстрэл у Марыюпалі, дзе загінулі больш за 20 цывільных жыхароў, больш за 80 параненыя, будзе ўсебакова і аб'ектыўна расследаваны, а вінаватыя абавязкова панясуць заслужанае пакаранне. "Заклікаем спецыяльную маніторынгавую місію АБСЕ неадкладна ўзяць удзел у такім расследаванні", - гаворыцца ў заяве МЗС Украіны.

Пры гэтым МЗС Украіны ўсклаў на Расею адказнасць за абвастрэнне сітуацыі ў Данбасе. "Чакаем, што Расея, нарэшце, выканае свае абавязанні, паўплывае на сваіх падапечных і спыніць іх падтрымку. Мы таксама патрабуем ад Расеі поўнага выканання Мінскіх дамоўленасцяў, у тым ліку неадкладнага вываду ўсіх сваіх узброеных падраздзяленняў з тэрыторыі Украіны, закрыццё расейска-ўкраінскай мяжы і ўсталяванне міжнароднага маніторынгу", - заявіў МЗС Украіны.

Паводле ўдакладненых звестак праз масаваны абстрэл ваеўнікамі з установак "Град" жылых раёнаў Марыюпаля загінула 27 і пацярпела больш за 80 цывільных жыхароў, загінуў адзін, паранена двое байцоў Нацыянальнай гвардыі Украіны.