Надзвычайнае здарэнне ў аэрапорце Менска: дзіця звалілася з трэцяга паверху
38- 28.01.2015, 16:13
- 58,688
У Нацыянальным аэрапорце Менска з вышыні трэцяга паверха звалілася шасцігадовае дзіцё.
Як паведамляюць крыніцы "Беларускага партызана", дзіцё атрымала цяжкія пераломы і цяпер знаходзіцца ў бальніцы.
Прыбудова аэравакзала (перакрыцце паверха залі вылету-залі чакання ў некаторых месцах не прымыкае да шкляной "сцяны", ідзе ад самага нізу і пераходзіць на столь) мае ў некаторых месцах шчыліны ў канструкцыі, якія агароджаныя металічнымі, дэкаратыўнымі канструкцыямі. Гэтыя канструкцыі не даюць пасажырам падыходзіць блізка да шкла, не зваліцца ў шчыліны ў падлозе, а таксама абараняюць шкло ад магчымых наездаў уборачных машын і іншых механізмаў, якія выкарыстоўваюцца для ўборкі падлогі і абслугоўвання залі. Даросламу чалавеку праваліцца ў шчыліну даволі цяжка.
Тут і адбыўся няшчасны выпадак: дзіцё гойдалася на гэтых парэнчах, у той час як ягоная маці займалася другім дзіцем. У пэўны момант парэнчы не вытрымалі і дзіця паляцела уніз, на першы паверх.
Прызначанае разбіральніцтва.
Складана сказаць, чыя тут большая віна: родных, якія недагледзелі за малым, або аэрапорта, які замовіў такую канструкцыю і не пралічыў бяспеку для дзяцей.