У Крыме арыштаваны адзін з лідараў Меджліса

СК Расеі, якая ў 2014 годзе анэксавала Крым, заяўляе, што Ахтэм Чыйгоз падазраецца ў арганізацыі "масавых беспарадкаў".

У Крыме за ўдзел у пратэстнай дэманстрацыі прадстаўнікоў крымскататарскага народа затрыманы адзін з лідараў грамадскай арганізацыі Меджліс. Ахтэму Чыйгозу абвешчана аб падазрэнні ў арганізацыі і ўдзеле ў масавых беспарадках. Пра гэта ТАСС паведаміў афіцыйны прадстаўнік Следчага камітэта Расеі Уладзімір Маркін.

<>i"Следчымі органамі Галоўнай следчай управы СК Рэспублікі Крым у рамках расследавання крымінальнай справы аб арганізацыі і ўдзеле ў масавых беспарадках затрыманы адзін з лідараў грамадскай арганізацыі "Меджліс крымскататарскага народа "Ахтэм Чыйгоз", - сказаў ён.

Гаворка ідзе пра падзеі 26 лютага 2014, калі ў будынку крымскага парламента ў Сімферопалі праходзіў мітынг з удзелам Меджліса крымскататарскага народа, піша liga.net.

"Сваім прыкладам супрацьпраўных паводзін стаў заахвочваць тых, хто сабраўся да здзяйснення такіх дзеянняў, што прывяло да ўзнікнення масавых беспарадкаў, якія суправаджаліся прымяненнем гвалту ў дачыненні да прадстаўнікоў руху "Рускае Адзінства" і самаабароны Рэспублікі Крым, пашкоджаннем і знішчэннем маёмасці", - заявіў Маркін.

Як выказаўся чыноўнік, "частка ўдзельнікаў акцыі прарваліся ў будынак Вярхоўнай рады Аўтаномнай Рэспублікі Крым, дзе пашкодзілі маёмасць, прычыніўшы матэрыяльную шкоду ў памеры больш за 600 тысяч рублёў".

Нагадаем, у канцы лютага і пачатку сакавіка 2014 года перакінутыя з Расеі і крымскіх баз Чарнаморскага флоту Расеі войскі без апазнавальных знакаў акупавалі Крымскую паўвыспу. 16 сакавіка на тэрыторыі АРК адбыўся так званы "рэферэндум" аб статусе паўвыспы, паводле вынікаў якога Расея ўключыла Крым у свой склад.