Хуліганы ў электрычцы Менск-Стоўбцы выкінулі ў акно 20 сядзенняў
28- 30.01.2015, 14:07
- 20,149
Нецвярозыя хлопцы падчас паездкі ў электрацягніку Менск-Стоўбцы выкінулі ў акно больш за 20 сядзенняў.
Супрацоўнікі міліцыі Менскага аддзела ўнутраных спраў на транспарце затрымалі за хуліганства двух маладзёнаў. Падчас паездкі ў электрацягніку, які рухаўся маршрутам Менск-Стоўбцы, нецвярозым таварышам вельмі не спадабаліся месцы для сядзення. Прычым не спадабаліся настолькі, што яны пачалі вырываць з мацаванняў мяккія часткі канструкцый і выкідваць іх у акно. Такім чынам было пашкоджана больш за 20 пасажырскіх сядзенняў. Агульная шкода ацэненая ў 15 млн рублёў, піша БелТА.
19-гадовы затрыманы, беспрацоўны жыхар Менскага раёна, раней судзімы за крадзяжы. Ягоны 21-гадовы таварыш працуе слесарам на адным з прадпрыемстваў у горадзе Дзяржынску Менскай вобласці. Маладзёны патлумачылі свае паводзіны алкагольным ап'яненнем.
Паводле факту хуліганскіх дзеянняў праводзіцца праверка.