28 сакавiка 2024, Чацвер, 21:26
Падтрымайце
сайт
Сім сім,
Хартыя 97!
Рубрыкі

Чорны кот аб'еў Харкаўскі мясакамбінат на 400 даляраў (Відэа)

24

Жывёлу злавілі і абяцалі вызваліць пасля 45-дзённага карантыну.

Бяздомны кот, які пракраўся на Харкаўскі мясакамбінат, нанёс страту прадпрыемству ў памеры шасці тысяч грыўняў (амаль 400 даляраў), папсаваўшы мноства адзінак прадукцыі.

У Харкаве кот прычыніў шкоду мясцоваму мясакамбінату, сцвярджаюць супрацоўнікі прадпрыемства. Маўляў, чацвераногі несанкцыянавана ўварваўся ў склад гатовай прадукцыі і некалькі сутак запар аб`ядаўся там дэлікатэсамі. У рэшце рэшт гурмана злавілі і здалі ў гарадскі прытулак для жывёл, гаворыцца ў сюжэце ТСН.

Калі палічылі страты, былі шакаваныя сумай у шэсць тысяч грыўняў. На прадпрыемстве сцвярджаюць, што кот выбіраў самыя дарагія прадукты.

У цяперашні час затрыманы знаходзіцца ў клетцы на сухім карме. Некалькі жыхароў Харкава ўжо патрабавалі вызвалення хулігана з-пад варты - хацелі забраць ката на перавыхаванне. Але на волю жывёлу не выпусцілі - абяцалі вызваліць пасля 45-дзённага карантыну.

Напісаць каментар 24

Таксама сачыце за акаўнтамі Charter97.org у сацыяльных сетках