Цёплая зіма пабудзіла кляшчоў
11- 30.01.2015, 18:20
- 21,638
Праз цёплае надвор'е інсэкты пачалі прачынацца і «выходзіць на паляванне».
На днях 26-гадовага жыхара Гародні ўкусіў клешч. Хлопец гуляў у лесе ў Шчучынскім раёне, а пасля вяртання дадому выявіў след ад інсэкта.
У паліклініцы высветлілася, што яго ўкусіў клешч. выявілася, інсэкты хоць і ўпадаюць у спячку, але могуць праз цёплае надвор'е прачынацца і «выходзіць на паляванне».
«Такое бывае, калі ў лесе пры плюсавай тэмпературы паступова сыходзіць снег. Чым больш суровая зіма, тым больш верагоднасць, што кляшчы прачнуцца толькі да вясны», - тлумачыць энтамолаг Гарадзенскага занальнага цэнтра гігіены і эпідэміялогіі Наталля Уласевіч.
У мінулым годзе кляшчы былі болей актыўныя, чым звычайна. Першы ўкус зарэгістраваны ў пачатку сакавіка (на месяц раней за звыклыя тэрміны), калі сабака прынёс паразіта на поўсці са шпацыру і той учапіўся ў гаспадыню, піша «Вечерний Гродно».
Калі вы прагульваеце сабаку ў лясным масіве, ветэрынары нават зімой раяць апрацоўваць поўсць жывёлы адмысловымі прэпаратамі, якія прадухіляюць укусы інсэктаў, або купляць ахоўныя нашыйнікі.