Кіраўнік Меджліса: Мы стаім перад дзвярыма, за якімі 39-ты год ці Гаажскі трыбунал
5- 30.01.2015, 19:00
- 18,762
Пуцін - гэта сучасны Гітлер.
Калі цяпер сусветная грамадскасць не аб'яднаецца і не спыніць агрэсію Расеі, то ў адказ атрымае новы 39-ты год, калі пачалася Другая сусветная вайна, а ўсе непажаданыя для пуцінскага рэжыму, адправяцца ў сібірскія лагеры. Такі прагноз агучыў кіраўнік Меджліса крымскататарскага народа Рэфат Чубараў падчас прэс-канферэнцыі, прысвечанай дэпартацыі крымскіх татараў акупацыйнымі ўладамі, паведамляе карэспандэнт «Нового Региона».
«Некалькі дзён таму свет адзначаў гадавіну Халакоста... Халакост, Галадамор і дэпартацыя народаў, іншыя катастрофы такога маштабу ў ХХ-тым стагоддзі пачыналіся ўсе з парушэнняў, на якія свет не рэагаваў, - сказаў Чубараў. - Не рэагавалі канкрэтныя краіны, канкрэтныя людзі, канкрэтныя лідары. Спачатку пагромы крам, потым крыштальная ноч, а потым печы і мільёны, мільёны ахвяр... Свет зноў коціцца да гэтага. Мы знаходзімся ў той момант, калі павінныя адчыніць дзверы, за якімі або 39-ты год з усімі вынікальнымі наступствамі для свету, або Гаагскі трыбунал. Тое, што мы ў выніку ўбачым за гэтымі дзвярыма, - залежыць ад усіх нас, ад Украіны, ад сусветнай грамадскасці. І толькі потым мы можам казаць пра тое, як абараніць правы людзей, якія жывуць у Крыме. Ва ўмовах акупацыйнай улады пра гэта казаць трэба, але спадзявацца на тое, што яна прыслухаецца - пустыя надзеі. Цяпер нам трэба казаць пра тое, як спыніць агрэсара».
Чубараў заявіў, што лічыць Пуціна сучасным Гітлерам, які не спыніцца на Крыме і Данбасе, у небяспецы і іншыя рэгіёны Украіны.
«Гэта не скончыцца на крымскіх татарах. Потым людзям прыйдзецца пакідаць Адэсу, Мікалаеў, Кіеў... Я не драматызую, там (у Расеі, - рэд.) няма разумнага сэнсу, - панаракаў лідар Меджліса. - Пуцін - гэта сучасны Гітлер і калі яго не спыніць ягонае ўласнае грамадства, то наступным крокам будзе будаўніцтва лагераў на бязмежных прасторах Сібіры. Туды адправяць усіх тых, хто будзе настроены супраць яго на падкантрольных яму тэрыторыях».