БАТЭ і «Дынама-Менск» да гэтага часу не атрымалі прызавыя грошы
2- 30.01.2015, 21:18
- 6,416
Беларуская федэрацыя футбола ў бліжэйшы час абяцае разлічыцца з БАТЭ і менскім «Дынама».
Пра гэта заявіў старшыня арганізацыі Сяргей Румас, піша «Трибуна».
«Дарэчы, з намі не разлічыліся некаторыя клубы. Мы, са свайго боку, упершыню за чатыры гады не выканалі сваіх абавязацельстваў. Пакуль не аддалі прызавыя грошы менскаму «Дынама» і БАТЭ. У нас вялікія грошы завіслі ў дэпартаменце гуманітарнай дапамогі. Быццам бы лёд ссунуўся. Неўзабаве аддамо гэтым клубам абяцаныя беларускія рублі, прывязаныя да курсу даляра. Фактычна, мы пакаралі самі сябе. У кастрычніку можна было разлічыцца паводле курсу 11.800, а сёння 15.200. Нам сорамна за гэта, але ўсё аддамо з кампенсацыяй», - сказаў Румас.