Страляніна ў кампусе ў штаце Арэгон: не менш за 10 загінулых
- 1.10.2015, 21:55
- 31,713
Прынамсі 10 чалавек загінулі і 20 параненыя ў выніку страляніны, якую распачаў невядомы ў кампусе каледжа ў горадзе Роўзбург штата Арэгон.
Тэлеканал CNN паведамляе са спасылкай на свае крыніцы, што стралок затрыманы, інфармуе расейская служба BBC.
Прэс-сакратарка акруговага шэрыфа пацвердзіла факт страляніны, аднак не змагла паведаміць іншыя дэталі, інфармуе РБК.
Як распавёў тэлеканалу начальнік пажарнай аховы акругі Дуглас, страляніна адбылася ў класе.
У Umpqua Community College вучацца блізу 3,3 тысяч студэнтаў-стацыянарнікаў і 16 тысяч студэнтаў-завочнікаў. У горадзе Роўзбург, у якім размешчаны каледж, пражывае прыблізна 22 тысячы чалавек, ён знаходзіцца за 70 міль на поўдзень ад горада Юджын ў Арэгоне і прыкладна за 180 міль на поўдзень ад Портлэнда.