Пуцін і Лукашэнка абмеркавалі стварэнне расейскай авіябазы ў Беларусі

Уладзімір Пуцін і Аляксандр Лукашэнка абмяркоўвалі тэму стварэння расейскай авіябазы ў Беларусі.

Пра гэта заявіў журналістам прэс-сакратар прэзідэнта Расеі Дзмітрый Пяскоў, паведамляе РБК.

«Розныя аспекты гэтай тэмы абмяркоўваліся паміж двума прэзідэнтамі. Гэта абмеркаванне ў канструктыўным духу будзе працягнутае, тым больш што маюцца быць кантакты», - сказаў Дзмітрый Пяскоў.

З яго слоў, Пуцін і Лукашэнка пабачацца на гэтым тыдні ў Казахстане на саміце СНД і саміце ЕАЭС. «На палях гэтага саміту ў іх будуць магчымасці гэта абмеркаваць», - дадаў прэс-сакратар прэзідэнта Расеі.

Напярэдадні Лукашэнка, размаўляючы з журналістамі на выбарчым участку, заявіў, што мае намер абмеркаваць з Пуціным пытанне аб стварэнні авіябазы ў Беларусі.