Украіна аднавіла рэверс газу з Польшчы
- 13.10.2015, 11:31
- 7,217
Адзначаецца, што Украіна спыніла рэверс газу праз Польшчу ў траўні 2015 года.
Украіна аднавіла імпарт прыроднага газу з Польшчы, паведамляе РБК-Украіна са спасылкай на заяву кіраўніка прэс-службы аператара газатранспартнай сістэмы кампаніі «Укртрансгаз» Максіма Бяляўскага.
«Сёння раніцай была атрыманая заяўка на імпарт газу з Польшчы ў аб'ёме 0,3 мільёна кубаметраў», - паведаміў ён.
«Са слоў Бяляўскага, заяўлены аб'ём газу запісаны на аператыўны балансавы рахунак, і як толькі будзе назапашаны дастатковы для фізічнага вымярэння аб'ём, у рамках камерцыйнага месяца будзе ажыццёўлена фізічная прапампоўка гэтага газу», - гаворыцца ў паведамленні.
Раней «Укртрансгаз» і аператар газатранспартнай сістэмы Польшчы кампанія Gaz-System падпісалі пагадненне аб супрацоўніцтве ў падрыхтоўцы пілотнага праекта арганізацыі пакетных аўкцыёнаў магутнасцяў на польска-ўкраінскай мяжы, якія будуць праводзіцца на платформе аўкцыёнаў кампаніі Gaz-System.
Пастаўкі газу з Польшчы ва Украіну ажыццяўляюцца з газавымяральнай станцыі (ГІС) «Германовіце» (Польшча). Украіна спыніла імпартаваць газ праз Польшчу з траўня 2015 года.