Amazon India даслаў пакупніку цэглу замест смартфона
5- 13.10.2015, 16:09
- 8,830
За кавалак будаўнічага матэрыялу мужчына заплаціў 340 даляраў.
Жыхар Індыі Маніндэр Валіа (Maninder Walia) размясціў на сваёй старонцы ў Facebook здымак асколка цэглы, які прыйшоў яму ад мясцовага прадстаўніцтва Amazon замест смартфона OnePlus One, піша TechTimes.
Як адзначае выданне, цэгла знаходзілася ў арыгінальнай скрынцы ад прылады, пры гэтым на ўпакоўцы пасылкі былі прыкметныя сляды таго, што паштовую стужку ўскрывалі, піша korrespondent.net.
Замест цэглы ў пасылцы павінен быў быць смартфон OnePlus One колеру Sandstone Black з 64 Гб убудаванай памяці з цэннікам у 340 даляраў.
Прадстаўнікі крамы Amazon паабяцалі адшукаць вінаватага ў крадзяжы. На гэты момант доўжыцца расследаванне інцыдэнту.