Беларускія добраахвотнікі ва Украіне: Мы закладаем патэнцыял новай шляхты

Тактычная група «Беларусь» зняла відэаролік пра нашых суайчыннікаў, якія сёння абараняюць незалежнасць Украіны.

«Вернасць сваім пабрацімам і слову, народу і краіне - гэта наш шлях. Пачуццё ўнутранай сілы і адданасць ідэі - гэта наш тыл. Наша ідэя ўсёабдымная, яскравая і выключная - яна дазваляе падняцца над абставінамі, над усім часовым і выпадковым. Цяпер мы закладваем патэнцыял новых ваяроў, новай шляхты, каб у выпадку небяспекі нацыя змагла сябе абараніць. Наш час прыйдзе», - гаворыцца ў роліку.

Відэашэраг уяўляе сабой кадры з трэніровак і баявых дзеянняў на Данбасе, у якіх бяруць удзел беларускія добраахвотнікі.