Суд над заўзятарамі ў Барысаве: фанат атрымаў штраф
3- 13.10.2015, 18:49
- 5,938
Суд Барысаўскага раёна вынес першы прысуд у дачыненні да аднаго з затрыманых падчас матчу Беларусь-Македонія заўзятараў: ён атрымаў штраф сумай 10 базавых адзінак.
Пра гэта паведамляе Sputnik.
Жыхара Менска Дзмітрыя Федарука, а таксама Віталя Буцько ды Юрыя, які не захацеў называць сваё прозвішча, затрымалі за шалікі з «Пагоняй» на матчы адборачнага турніру Чэмпіянату Еўропы ў футболе. Гульня з Македоніяй прайшла ўчора ўвечары ў Барысаве. У аўторак днём суд пачаў разглядаць справы ў дачыненні да іх.
Паводле інфармацыі карыстальнікаў сацыяльных сетак, прысутных на пасяджэнні, паводле першай справы суддзя вынес прысуд аб накладанні на Віталя Будзько штрафу сумай 10 базавых адзінак (1,8 мільёна рублёў).
Буцько — штраф 10 базавых (1мільен 800 тысяч).
— Andrey Kim (@captain_kim) 13 октября 2015
У ФК «Нёман», заўзятарам якога з'яўляецца Будзько, ужо адрэагавалі на прысуд.
«У тое, што здарылася складана паверыць. У нас быў нядаўна ўтвораны афіцыйны фан-клуб, у стварэнні якога непасрэдны ўдзел узяў гэты чалавек. У футбольным клубе, а таксама ў асяроддзі актыўных заўзятараў яго добра ведаюць і могуць ахарактарызаваць толькі са станоўчага боку. Яго інтэлігентнасць і добрае выхаванне не дазволілі б яму апусціцца да нецэнзурнай лаянкі», - гаворыцца ў паведамленні, размешчаным на сайце клуба.
Раней у УУС Менаблвыканкама паведамілі, што на трох затрыманых заўзятараў былі складзеныя адміністрацыйныя пратаколы паводле арт.17.1 (нецэнзурная лаянка ў грамадскім месцы) і 23.4 (непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў) КаАП Беларусі.