Апоўзень у Гватэмале: 26 загінулых, сотні зніклых без вестак

Выратавальнікі ў Гватэмале шукаюць сотні чалавек, зніклых у вёсцы Эль-Камбре Дос недалёка ад сталіцы краіны ў выніку сходу апоўзня.

Пакуль выяўленыя 26 цел, паведамілі ў службе выратавання, паведамляе BBC.

Моцныя дажджы абрынулі патокі камянёў і бруду на вёску ў 15 кіламетрах на ўсход ад горада Гватэмалы.

Сваякі атрымліваюць званкі і паведамленні ад сваіх блізкіх, якія затрымаліся пад абломкамі, паведамляюць карэспандэнты на месцы падзей.

Тых, хто выжыў адвозяць у часовыя хованкі. У пятніцу вечарам ратавальнікі часова прыпынілі пошукі праз залеву, паведамляе AP.

Паводле слоў прадстаўніка валанцёраў, якія працуюць на месцы, загінулі 26 чалавек, у тым ліку некалькіх дзяцей. Яшчэ 36 чалавек адвезлі ў бальніцы.

Аднаго чалавека ратавальнікам атрымалася выцягнуць з-пад абломкаў жывым праз 15 гадзін пасля сходу апоўзня.