У Менску кіроўца тралейбуса страціў прытомнасць за рулём
11- 3.10.2015, 11:56
- 16,669
Сёння а 07:45 на вуліцы Шаранговіча тралейбус урэзаўся ў прыпаркаваныя ўздоўж дарогі аўтамабілі.
Паводле папярэдняй інфармацыі, прычынай з’явілася тое, што кіроўца тралейбуса страціў прытомнасць за рулём. Пацярпелых няма. Тралейбус пашкоджаны не моцна, а вось адна з машын, у якую ён наехаў, верагодна, не падлягае рамонту, піша onliner.by.
Падрабязнасці паведаміў камандзір узвода ДПС ДАІ Фрунзенскага раёна Менска Дзмітрый Дробатаў:
- Кіроўца тралейбуса выехаў на паласу сустрэчнага руху і здзейсніў сутыкненне з прыпаркаванымі аўтамабілямі. Стаянка знаходзіцца ўздоўж праезнай часткі, насупраць дома па адрасе Шаранговіча, 52. Папярэдняя прычына здарэння - вадзіцель 1965 года нараджэння страціў прытомнасць падчас руху. Ён дастаўлены ў 4-ю гарадскую бальніцу. Паводле гэтага факта праводзіцца праверка. Чаму кіроўцу стала дрэнна, будзем удакладняць.
Паведамляецца, што ў выніку ДТЗ пашкоджаныя чатыры прыпаркаваныя аўтамабілі. Адзін з іх - Mazda - ва ўсёй бачнасці, ужо не падлягае рамонту. Тралейбус уехаў у левую частку машыны і прыціснуў яе да дрэва, што стаяла побач.