Эльдара Разанава экстрана шпіталізавалі
3- 7.10.2015, 12:22
- 7,465
Расейскі рэжысёр Эльдар Разанаў быў экстрана шпіталізаваны з падазрэннем на сардэчны прыступ напярэдадні вечарам.
Стан рэжысёра ацэньваецца як цяжкі, цяпер ён знаходзіцца ў рэанімацыі. Дакладны дыягназ Эльдара Разанава медыкі пакуль не паведамілі, паведамляе "Интерфакс".
Гэта ўжо не першая шпіталізацыя рэжысёра. У пачатку жніўня рэжысёра прывезлі ў кардыяцэнтр ім. А. Н. Бакулева з інфарктам, ён таксама звяртаўся да медыкаў месяц таму.
Эльдар Разанаў зняў некалькі дзесяткаў карцін, у тым ліку «Беражыся аўтамабіля», «Іронія лёсу, або з лёгкай парай!» і «Службовы раман».