Пажар на МАЗе спыніў працу ў кавальскім цэху
1- 9.10.2015, 9:34
- 13,804
Загаранне ізаляцыі высокачастотных кабеляў прывяло да спынення тэхналагічнага працэсу ў падраздзяленні ў чацвер вечарам.
Пра гэта сайту charter97.org паведамілі ў Менскай гарадской управе МНС.
Паведамленне аб здарэнні на МАЗе паступіла 8 кастрычніка а 21:01. Адбылося загаранне ізаляцыі высокачастотных кабеляў, што вядуць ад генератара да размеркавальнага пункта кавальскага цэху, і якія забяспечваюць устаноўкі электранагрэву печаў штампоўкі. Кабелі былі пракладзеныя адкрытым спосабам па сцяне будынка.
«Пашкоджаныя кабелі, часткова закураны цэх, спынены тэхналагічны працэс у падраздзяленні», - гаворыцца ў паведамленні МНС.