У аэрапорце Шарм-эль-Шэйха расейскія турысты пабіліся з гідамі

Расейцы сцвярджаюць, што супраць іх ужылі фізічную сілу.

У міжнародным аэрапорце егіпецкага курорта Шарм-эль-Шэйх адбылася сутычка паміж пакідаючымі краіну расейскімі турыстамі і егіпецкімі гідамі, якія прадстаўляюць кампанію «Адэон-турс». Як паведамляе тэлеканал LifeNews, канфлікт пачаўся яшчэ ў гатэлі, пасля таго як аўтобус да паветранай гавані быў затрыманы на некалькі гадзін.

Адзін з турыстаў Аляксандр Чыркуноў распавёў, што пасля прыбыцця аўтобуса ў гатэль праз пяць гадзін пасля прызначанага часу ён паспрабаваў зняць на камеру бэйдж супрацоўніка турфірмы, які прыехаў за групай, аднак гід адрэагаваў агрэсіўна і штурхнуў мужчыну, піша Lenta.ru.

Пасля прыбыцця ў аэрапорт Чыркуноў прадоўжыў здымку на відэа, аднак егіпецкія супрацоўнікі турфірмы паспрабавалі перапыніць запіс і забраць камеру. «Была нават сутычка, калі мая цяжарная жонка падышла да супрацоўніка, які вырываў у мяне камеру, каб паглядзець яго бэйдж, ён адштурхнуў яе ў жывот», - адзначыў мужчына.

Акрамя таго, супрацоўнікі аэрапорта прапаноўвалі сям'і Чыркунова падчас пералёту ўзяць дзяцей на калені, хоць месцы былі выкупленыя на ўсіх чальцоў іх сям'і.

Супрацоўнікі паліцыі, якія прыбылі ў аэрапорт, са слоў расейца, занялі бок сваіх суайчыннікаў, папрасілі сям'ю пагадзіцца з умовамі пералёту і выдаліць відэа з запісам інцыдэнту.