Стральба ва ўніверсітэце Арызоны: адзін загінулы, трое параненых
- 9.10.2015, 15:10
- 2,530
Як мінімум адзін чалавек загінуў і трое атрымалі раненні ў выніку стральбы ва ўніверсітэце горада Флагстафа ў амерыканскім штаце Арызона.
"Той, хто страляў затрыманы. Сітуацыя стабілізавалася. Тэрыторыя ўніверсітэта адчыненая", - паведамляецца ў "Твітэры" ўніверсітэта.
Прадстаўнікі навучальнай установы кажуць, што стральба пачалася ля паркоўкі каля аднаго з універсітэцкіх інтэрнатаў, паведамляе расейская служба BBC.
Паліцыя высвятляе матывы нападу. Пакуль няма інфармацыі аб тым, ці быў загінулы студэнтам універсітэта.
2 кастрычніка прынамсі дзевяць чалавек загінулі і сямёра былі параненыя ў выніку стральбы на тэрыторыі каледжа Umpqua Community College ў горадзе Роўзбург, штат Арэгон.
На наступны дзень паліцыя штата паведаміла, што злачынец - 26-гадовы Крыс Харпер-Мерсер - скончыў з сабой.