29 сакавiка 2024, Пятніца, 13:00
Падтрымайце
сайт
Сім сім,
Хартыя 97!
Рубрыкі

Васіль Парфянкоў атрымаў украінскае грамадзянства

14
Васіль Парфянкоў атрымаў украінскае грамадзянства
Васіль Парфянкоў

Былы беларускі палітвязень, які ваюе на Данбасе, атрымаў украінскае грамадзянства.

Пра гэта ў «Фэйсбуку» напісаў камандзір аднаго добраахвотніцкага батальёна Мікалай Каханоўскі, паведамляе charter97.org.

«Сябры, з радасцю павінен канстатаваць: справа выдавання грамадзянства добраахвотнікам зрушылася з месца. Атрымаў грамадзянства сябар Сябро.

Уласна, Васіль Парфянкоў «Сябро» - фігура даволі вядомая ў Беларусі як заўзяты змагар з рэжымам Лукашэнкі. Ва Украіне вызначыўся таксама як смелы і дысцыплінаваны воін. Добра ваяваў у Пясках, два месяцы таму быў паранены, цяпер на рэабілітацыі.

Схема атрымання грамадзянства Сябро наступная. Ён падаў дакументы ў міграцыйную службу, затым яго выклікалі ў СБУ і спыталі, чаму ён не можа вярнуцца ў Беларусь. Сябро распавёў, што на яго ў Беларусі заведзена дзве справы: першая - за нацыянальную дзейнасць у Беларусі, другая - за найміцтва за яе межамі, а менавіта ва Украіне. СБУ накіравала запыт у беларускі КДБ, словы Сябро пацвердзіліся. І вось нядаўна наш сабрат атрымаў пашпарт грамадзяніна Украіны!

Выснова: цяпер, Дзякуй Богу, вымалявалася хоць нейкая схема, як добраахвотнікі-замежнікі могуць атрымаць грамадзянства Украіны.

Разам пераможам! Слава Украіне! Жыве Беларусь!» - напісаў Каханоўскі.

Адзначым, ва Украіне ваюе шмат беларусаў, сярод іх былыя палітвязні Васіль Парфянкоў і Эдуард Лобаў. А таксама, у батальёне «Правага сектара» ваюе некалькі дзесяткаў грамадзян Беларусі, якія нядаўна сфармавалі там «тактычную групу Беларусь».

5 снежня 2014 г. грамадскі актывіст Васіль Парфянкоў выйшаў з горацкай турмы. Амаль адразу пасля гэтага хлопец разам з сям'ёй - жонкай і сынам - з'ехаў ва Украіну. Як высветлілася, Васіль запісаўся ў добраахвотніцкі батальён і цяпер ваюе на Данбасе супраць расейскіх баявікоў.

Васіль Парфянкоў з'яўляецца лаўрэатам Нацыянальнай прэміі за абарону правоў чалавека імя Віктара Івашкевіча ў намінацыі «За асабістую мужнасць», якую ў 2015 годзе ўручыў яму сайт charter97.org.

Напісаць каментар 14

Таксама сачыце за акаўнтамі Charter97.org у сацыяльных сетках