Дырэктар «Гроднааблсаюздруку» затрыманы за хабар
8- 15.11.2015, 13:52
- 12,239
Ленінскім РАУС Горадні распачатая крымінальная справа за атрыманне хабару ў дачыненні да дырэктара «Гроднааблсаюздруку».
Як растлумачылі «Радыё Рацыя» ў прэс-службе Управы ўнутраных спраў Гарадзенскага аблвыканкама, 71-гадовы мужчына ў 2015 годзе двойчы ад жыхара Менска атрымліваў грашовыя сродкі, а таксама матэрыяльныя каштоўнасці за спрыяльнае развязанне пытанняў, звязаных з укладаннем дамоваў пастаўкі і першачарговым пераліку на разліковы кошт камерцыйнай структуры.
Дырэктар прадпрыемства затрыманы. Праводзіцца далейшая праверка. Гаворка ідзе пра кіраўніка «Гроднааблсаюздруку». Паводле выстаўленага абвінавачвання заканадаўства прадугледжвае пакаранне ў выглядзе пазбаўлення волі ад трох да дзесяці гадоў з канфіскацыяй маёмасці.