З музея ў Вероне скрадзеныя карціны вялікіх мастакоў
- 20.11.2015, 17:12
- 10,333
На думку мэра горада, гэта быў «замоўлены» крадзеж.
Буйны крадзеж 15 палотнаў, у тым ліку вядомых майстроў Адраджэння, адбыўся ў музеі ў італьянскім горадзе Верона, паведамляе ТАСС са спасылкай на агенцтва (ANSA).
Паводле звестак агенцтва, з калекцыі жывапісу эпохі Адраджэння Кастэльвекіа (Старога палаца), выкрадзеныя пяць работ Цінтарэта, палотна Беліні, Пізанела, а таксама карціна Рубенса. На думку мэра горада Флавіа Тозі, гэта «замоўлены» крадзеж.
Паліцыя пачала расследаванне і пошук зламыснікаў. Музейны персанал удакладняе, якія менавіта экспанаты сталі здабычай злачынцаў.