Праз скінутыя ЖКГ сцёкі пад Гародняй масава загінула рыба
8- 20.11.2015, 18:37
- 8,002
Шэраг такіх выпадкаў расследуюць праваахоўныя органы.
Ашмянскае раённае ЖКГ у ліпені скінула ў раку Ашмянку неачышчаныя сцёкавыя воды, праз гэта адбылася масавая загуба рыбы і была прычыненая шкода навакольнаму асяроддзю на агульную суму больш як мільярд рублёў. Паводле факту распачатая крымінальная справа, паведамляе «Вечерний Гродно».
Праваахоўныя органы Гарадзеншчыны расследуюць некалькі такіх спраў. Так, у Шчучынскім раёне вадкія вытворчыя адкіды незаконна скінуў на тэрыторыю былых ачышчальных збудаванняў ЖКГ масласырзавод, у Лідзе начальнік лакаматыўнага дэпо схаваў ад кіраўніцтва Беларускай чыгункі і мясцовых выканаўчых органаў тое, што з разгерметызаванай ёмістасці здарыўся выцек дызельнага паліва.