Рассельгаснагляд забракаваў 156 выдадзеных Беларуссю падробленых сертыфікатаў

Для паставак у Расею санкцыйнай прадукцыі ўсё часцей выкарыстоўваюцца «сертыфікаты» з Беларусі.

Федэральная служба ветэрынарнага і фітасанітарнага нагляду Расеі (Рассельгаснагляд) «вельмi занепакоеная сітуацыяй з колькасцю падробленых фітасанітарных сертыфікатаў Турцыі, Македоніі, Эквадора, Егіпта, ПАР, Босніі і Герцагавіны, Марока, Сербіі, Туніса, Ізраіля, Бразіліі і Чылі, якія паступаюць у Расею ў суправаджэнні рээкспартных фітасанітарных сертыфікатаў Рэспублікі Беларусь», паведамляецца на сайце ўстановы.

Рассельгаснагляд «неаднаразова інфармаваў» пра колькасць выяўленых падробленых дакументаў (у 2014 годзе было выяўлена 82 падробныя фітасанітарныя сертыфікаты, з пачатку 2015 - «ужо 417 выпадкаў»). «Названыя лічбы пастаянна растуць», - адзначаецца ў апублікаваным 21 лістапада паведамленні ўстановы. «Так, за мінулыя дні яшчэ ў 13 выпадках падкаранціннай прадукцыі, якая паступіла з Беларусі, не знайшла афіцыйнага пацверджання ў краінах яе «паходжання» (Марока, Ізраіля, Егіпта)», - гаворыцца ў паведамленні.

Установа адзначае адсутнасць рэакцыі беларускага боку на прапановы «аб садзейнічанні ў аўтарызацыі выклікаюць сумневы ў сапраўднасці фітасанітарных сертыфікатаў і рээкспартных фітасанітарных сертыфікатаў, якія суправаджаюць падкаранціннай прадукцыі, якая паступае ў Расейскую Федэрацыю праз Рэспубліку Беларусь і аб планаванні камандзіравання спецыялістаў у галіне каранціну раслін у трэція краіны для пацвярджэння сапраўднасці і актуальнасці звестак аб вырошчванні экспартуемай імі падкаранціннай прадукцыі».

Як паведаміў Рассельгаснагляд, на адрас Галоўнай дзяржаўнай інспекцыі насенняводства, каранціну і аховы раслін Рэспублікі Беларусь 19 лістапада накіраваны зварот аб неабходнасці «прыпынення выдачы ўпаўнаважанымі асобамі Рэспублікі Беларусь фітасанітарных сертыфікатаў у адрас 156 расейскіх імпарцёраў падкаранціннай прадукцыі».

У Рассельгаснаглядзе мяркуюць, што «непрад'яўленне падкаранціннай прадукцыі на тэрыторыі Расейскай Федэрацыі звязана з яе незаконным увозам, а менавіта падкаранціннай прадукцыі, што трапіла пад харчовае эмбарга».

У 2014 годзе Расея забараніла ўвоз харчавання з Еўразвязу, які ўвёў санкцыі супраць Крамля ў сувязі з агрэсіяй супраць Украіны. На думку шэрагу назіральнікаў і расейскіх чыноўнікаў, гэтай сітуацыяй скарыстаўся Менск, які заняўся рээкспартам харчавання з ЕЗ у Расею, падмяняючы дакументы аб краіне паходжання тавараў. Беларускі бок гэтыя падазрэньні адхіляе. Афіцыйна Менск заяўляе толькі аб сваім праве купіць у Еўропе сыравіну, перапрацаваць яе і паставіць у Расею гатовы прадукт - ужо пад маркай «Зроблена ў Беларусі».