Слуцкі райвыканкам дазволіў мітынг памяці ўдзельнікаў «Слуцкага Збройны чыну»

Таксама вядуцца перамовы аб правядзенні пасля мітынгу ў Слуцку творчай сустрэчы з гісторыкамі, даследуе падзеі антыбальшавіцкага супраціву.

Масавае мерапрыемства распачнецца 28 лістапада (субота) а 14.30 зборам удзельнікаў каля будынка Слуцкага краязнаўчага музея. Адтуль калона дэманстрантаў рушыць па ходніках да гарадскога парку культуры і адпачынку на вуліцы Віленскай, дзе запланаваны ўрачысты мітынг ўшанавання памяці ўдзельнікаў Слуцкага паўстання 1920 года.

Згодна з пастановай мясцовых уладаў, на арганізатараў дэманстрацыі і мітынгу ўскладаецца абавязак забяспечыць грамадскі парадак у адпаведнасці з заканадаўствам, паведамляе прэс-служба Партыі БНФ.

У акцыі плануюць узяць удзел прадстаўнікі Партыі БНФ, Руху «За Свабоду», Руху салідарнасці «Разам», Моладзі БНФ і іншых патрыятычных аб'яднанняў. «Малады фронт» мае намер правесці ганаровае прыняцце прысягі новымі актывістамі арганізацыі.

Цяпер вядуцца таксама перамовы аб правядзенні пасля мітынгу ў Слуцку творчай сустрэчы з гісторыкамі, даследуе падзеі антыбальшавіцкага супраціву ў Слуцку.

«Слуцкі збройны чын» - спроба ўзброенай абароны незалежнасці Беларусі ў раёне Слуцка ў лістападзе і снежні 1920 года. Цягам месяца беларускія вайсковыя аддзелы, сфармаваныя пераважна з мясцовых сялян, супраціўляліся наступу савецкіх войскаў. 14 лістапада 1920 г. пачалася зброевая абарона незалежнасці Беларусі ў Слуцкім раёне. У гэты дзень там пачаўся з'езд, які абраў Савет Слуцка. Задачамі Савета стала арганізацыя грамадзянскага кіравання, а таксама абароны краю. З'езд прыняў рэзалюцыю, якая абвяшчала ўладу Беларускай Народнай Рэспублікі ў Слуцку і аколіцы, і выказаў пратэст супраць бальшавіцкай акупацыі. Узброеныя дзеянні адбываліся з 27 лістапада да 31 снежня 1920 года.

З 1980-х гадоў гадавіна «Слуцкага збройнага чыну», як знакавая падзея ў гісторыі барацьбы за незалежнасць Беларусі, адзначаецца беларускім грамадствам як Дзень Герояў.