Аселаму ў Беларусі Курманбеку Бакіеву выстаўленыя абвінавачванні ў «зямельнай карупцыі»

Экс-прэзідэнту Кыргызстана, а таксама ягонаму брата Жаныбеку Бакіеву выстаўленыя новыя абвінавачванні.

Экс-прэзідэнт, ягоны брат, а таксама група былых высокапастаўленых чыноўнікаў, у тым ліку экс-прэм'ер-міністр Ігар Чудзінаў, экс-віцэ-прэм'ер Іскандэр Айдараліеўі экс-міністр сельскай гаспадаркі Арстанбек Нагаеў, абвінавачваюцца ў незаконным пераводзе ў 2008 годзе зямельных надзелаў у прадмесці Бішкека з адной катэгорыі ў іншую, піша ТАСС са спасылкай на генпракуратуру Кыргызскай Рэспублікі.

«Трансфармацыя была праведзеная з катэгорыі «Зямля сельскагаспадарчага прызначэння» ў катэгорыю «Зямля населеных пунктаў», - адзначаецца ў дакуменце генпракуратуры.

У сувязі з гэтым экс-прэзідэнту і ягонаму брату абвінавачванне выстаўленае паводле артыкула «дапамога ў карупцыі», Чудзінаву, Айдараліеву і Нагаеву - паводле артыкула «Злоўжыванне службовым становішчам».

«Крымінальная справа накіраваная ў Кастрычніцкі раённы суд горада Бішкек для разгляду», - заявіла пракуратура.

Бакіеў быў скінуты ў красавіку 2010 года, пасля чаго разам са сваякамі вымушаны быў бегчы з краіны. На радзіме пазней за расстрэл дэманстрантаў і шэраг іншых асабліва цяжкіх злачынстваў разам з Жаныбекам Бакіевым, які ўзначальваў Службу дзяржаўнай аховы, кіргізскі судом Курманбек Бакіеў завочна быў прысуджаны да вышэйшай меры пакарання - пажыццёвага зняволення з канфіскацыяй маёмасці.

Былы прэзідэнт і ягоны брат пражываюць у Менску. Кыргыстанскія ўлады неаднаразова патрабавалі ад Беларусі іх экстрадыцыі, аднак кожны раз атрымлівалі адмову.