29 сакавiка 2024, Пятніца, 3:18
Падтрымайце
сайт
Сім сім,
Хартыя 97!
Рубрыкі

Лукашэнку ў Дагестане зрабілі «ганаровым уздзенем»

33
Лукашэнку ў Дагестане зрабілі «ганаровым уздзенем»

Беларускаму дыктатару Аляксандру Лукашэнку ўручаны сертыфікат «Ганаровы ўздзень Дагестана».

Пра гэта паведаміў РІА «Дагестан» старшыня савета грамадскай арганізацыі «Уздзені Дагестана» Керымхан Умаханаў.

Афіцыйнае ўручэнне адбылося 17 лістапада ў Маскве, у будынку амбасады Беларусі ў Расейскай Федэрацыі, на сустрэчы Керымхана Умаханава з паслом Беларусі ў Расейскай Федэрацыі Ігарам Петрышэнкам.

Галоўным у дзейнасці дагестанскай рэгіянальнай грамадскай арганізацыі ў развіцці культуры і традыцыяў «Уздзені Дагестана» яго старшыня назваў выхаванне маладога пакалення ў духу маральнасці.

«Уздзені Дагестана - сапраўдныя патрыёты сваёй шматпакутнай радзімы, уздзенкі - узор маральнай чысціні, цярпення і вернасці. Уздзенства ў нашай крыві, і яно цяпер, як ніколі, запатрабаванае», - сказаў Умаханаў.

На заканчэнне ён яшчэ раз падзякаваў за запрашэнне і ўручыў паслу для перадачы Лукашэнку сертыфікат «Ганаровы Уздзень Дагестана», андыйскую бурку, шаблю і папаху, а таксама медаль вольнага грамадства «За жалезную волю і захаванне высокай маральнасці».

Уздзень - гэта феадальнае саслоўе на Каўказе. У Дагестане пад уздзенямі разумелася шырокае саслоўе свабодных людзей, пасялян, якія жылі або самастойнымі сельскімі суполкамі, або знаходзіліся ў падпарадкаванні розных кіраўнікоў на правах падданства.

Нагадаем, што ў 2013 годзе Гарвардскі ўніверсітэт узнагародзіў беларускага дыктатара Шнобелеўскай прэміяй.

Напісаць каментар 33

Таксама сачыце за акаўнтамі Charter97.org у сацыяльных сетках