29 сакавiка 2024, Пятніца, 16:43
Падтрымайце
сайт
Сім сім,
Хартыя 97!
Рубрыкі

Як беларусы жывуць на заробак у 3 мільёны?

104
Як беларусы жывуць на заробак у 3 мільёны?
Фота: bymedia.net

Эканомяць, у тым ліку, на вадзе - мыюць посуд не пад кранам, а ў місцы.

У кастрычніку сярэдні заробак склаў 6,8 млн. Аднак, многія беларусы атрымліваюць у разы менш. Жыхарка Баранавіч распавяла, як жыве за заробак 3 млн.

50-гадовая Галіна працуе рабочай на адным з прамысловых прадпрыемстваў горада. Вось што яна распавяла «Салідарнасці».

- Сярэдні заробак у краіне 6.800.000? Не верыцца. І ў каго ён такі ёсць? У нас на заводзе заробак за два гады паднялі ўсяго на 5%. Я, як і іншыя жанчыны на вытворчасці, атрымліваю на рукі «чыстымі» 2,9-3 млн. У мужчын выходзіць на 1-1,5 млн больш.

500-600 тысяч рублёў ідзе на камунальныя паслугі. Купляю праязны, і застаецца строга на прадукты. Ну, бывае, бялізну купіш - шкарпэткі, трусы памяняеш. Калі трэба абнавіць гардэроб, набываю рэчы з адпускных або бяру ў растэрміноўку.

Прадукты купляю, дзе танней. Крупы і макароны лепш браць у «Еўраопце», сала можна ўзяць у «Кароне», па бытавую хімію іду ў «Востраў чысціні» - там зніжкі сталыя. Бульбу і гародніну прыводжу з лецішча, восенню збіраю грыбы.

Я яшчэ нічога жыву, сышлася з мужчынам, у якога заробак вышэйшы, чым у мяне. А вось гляджу на калег па працы, у якіх ёсць дзеці, - там эканомяць, на чым толькі можна. Ядуць практычна адну бульбу. Эканомяць на электраэнэргіі (выключаюць святло, як толькі выходзяць з пакоя), на вадзе - мыюць посуд не пад кранам, а ў місцы.

Нашы завадскія працаўнікі ў буфеце, дзе можна купляць прадукты дадому (каўбасу, хлеб, цукар), выбіраюць палову заробку наперад. Не ведаю, як потым круцяцца.

Куды езджу адпачываць? Вы што жартуеце? Мой адпачынак на лецішчы ў агародзе. Як і большасць працую над тым, каб было што з'есці зімой.

Ці ведаю, што хакеістам хочуць устанавіць мінімальны заробак 8,5 млн? Ні сном, ні духам! Ды вы жартуеце, напэўна.

Напісаць каментар 104

Таксама сачыце за акаўнтамі Charter97.org у сацыяльных сетках