Пятро Парашэнка: Мы павінны перайсці Рубікон
- 26.11.2015, 20:00
- 16,209
Толькі пасля правядзення рэформаў, аб якіх гаворыцца ў Пагадненнi аб асацыяцыі, можна казаць аб сяброўстве Украіны ў ЕЗ.
Пра гэта заявіў прэзідэнт краіны Пятро Парашэнка падчас супольнай з прэм'ерам Нідэрландаў прэс-канферэнцыі ў Гаазе, піша "Украінская праўда".
"Гэтая асацыяцыя азначае: бывай, Савецкі Саюз. Гэты Рубікон мы павінны перайсці", - сказаў Парашэнка.
Ён адзначыў, што кансультатыўны рэферэндум у Нідэрландах аб пагадненні аб асацыяцыі з ЕЗ не спыніць дзеянне пагаднення. Парашэнка падкрэсліў, што 98% зместу пагаднення аб асацыяцыі тычыцца правядзення рэформаў у сферы абароны правоў чалавека і дэмакратыі.
"У мяне ёсць пытанне: хто можа быць супраць дэмакратыі, супраць барацьбы з карупцыяй", - сказаў Парашэнка.
Са слоў прэзідэнта Украіны, толькі пасля правядзення гэтых рэформаў можна казаць аб сяброўстве ў ЕЗ. "Я хачу пабудаваць еўрапейскае грамадства ва Украіне, правесці рэформы. Толькі пасля гэтага можна казаць аб уступленні ў ЕЗ", - заявіў Парашэнка.