29 сакавiка 2024, Пятніца, 15:57
Падтрымайце
сайт
Сім сім,
Хартыя 97!
Рубрыкі

Кабякоў хоча ад Індыі больш грошай

18
Кабякоў хоча ад Індыі больш грошай
Андрэй Кабякоў
ФОТА: BYMEDIA.NET

Прэм'ер-міністр Беларусі Андрэй Кабякоў спадзяецца на пашырэнне Індыяй крэдытнай лініі для супольных праектаў.

Пра гэта Андрэй Кабякоў заявіў на сустрэчы з паслом Індыі ў Беларусі Панкаджам Саксенам у пятніцу ў Менску, паведамляе «Інтэрфакс» са спасылкай на прэс-службу ўрада Беларусі.

«Мы традыцыйна разглядаем стасункі з Індыяй як найважнейшы кірунак нашай замежнай палітыкі не толькі ў азіяцкім рэгіёне, але і ў сусветным маштабе. Мы спадзяемся давесці ўзровень нашага партнёрства да стратэгічнага», - сказаў Кабякоў.

Кіраўнік беларускага ўрада канстатаваў, што ў гэтым годзе адбыўся візіт прэзідэнта Індыі Пранаба Мукерджы ў Беларусь, шэраг дасягнутых дамоўленасцей атрымаў далейшае развіццё.

«Важнай з'яўляецца пастанова аб адкрыцці Індыяй крэдытнай лініі для фінансавання праектаў у Беларусі», - падкрэсліў прэм'ер-міністр.

У сувязі з гэтым ён запэўніў, што Беларусь «прыкладзе ўсе намаганні для пашырэння гандлёва-эканамічных стасункаў».

«Хочацца верыць, што гэтыя і іншыя кірункі таксама атрымаюць сваё развіццё», - адзначыў Кабякоў.

Напісаць каментар 18

Таксама сачыце за акаўнтамі Charter97.org у сацыяльных сетках