Дэвід Кэмеран: Кантралюемая ІД тэрыторыя ўжо скарацілася на 25-30%

Аднак выклікае неспакой тое, што ІД усё больш перакананая ў неабходнасці падрыхтоўваць або аказваць дапамогу ў падрыхтоўцы нападаў у іншых краінах.

Пасля нападаў на Парыж 13 лістапада, у выніку якіх загінулі 130 чалавек, прэм'ер-міністр Вялікабрытаніі Дэвід Кэмеран заявіў, што авіяўдары, якія наносіць па пазіцыях ІД кааліцыя, ужо прывялі да значных поспехаў: тэрыторыя, якую кантралюе так званая Ісламская дзяржава, ужо скарацілася на 25-30%. Пра гэта паведамляе Бі-бі-сі.

Звесткі аб тэрытарыяльных стратах ІД былі атрыманыя на брыфінгу, праведзеным у красавіку амерыканскім палкоўнікам Стывам Уорэнам, заявіла канцылярыя брытанскага прэм'ер-міністра. Палкоўнік Уорэн сказаў, што ад 25% да 30% тэрыторыі, захопленай ІД, былі вызваленыя войскамі кааліцыі.

Франк Гарднер, карэспандэнт Бі-бі-сі ў пытаннях бяспекі, не перакананы ў правільнасці гэтых лічбаў.

"Слова пра страты кантролю над 25% працэнтамі тэрыторыі, як аб тым кажа Дэвід Кэмеран, уводзяць у зман - можа быць, да такой высновы можна прыйсці гледзячы на карту, але факт застаецца фактам: толькі за апошні год яны ўзялі Пальміру, яны захапілі Рамадзі , і няма ніякіх прыкмет таго, што яны збіраюцца выйсці з Мосула, другога паводле велічыні горада ў Іраку. Яны ўсё яшчэ там і нікуды не дзеліся", - мяркуе Гарднер.

Паводле слоў Гарднера, няма ніякіх сумневаў, што авіяўдары наносяць страты пазіцыям ІД. Практычна кожны дзень у выніку гэтых авіяўдараў гінуць палявыя камандзіры, як сцвярджаюць ЗША, але ІД у стане іх замяніць, мяркуе экспэрт.

Прафесар Пол Роджэрс, кансультант у пытаннях глабальнай бяспекі пры Оксвардзкай даследчай групе (Oxford Research Group), мяркуе, што пытанне аб канкрэтным працэнце тэрыторый не гэтак ужо значна. Важна іншае - які патэнцыял Ісламскай дзяржавы.

"Выклікае сур'ёзныя турботы, што ІД стала звяртацца да той жа тактыкі, якую выкарыстоўвала "Аль-Каіда" 10 гадоў таму, пачаўшы напады за мяжой", - паказвае Роджэрс.

"Да нядаўняга часу ІД канцэнтравала практычна ўсю сваю ўвагу на развіцці і пашырэнні сваёй тэрыторыі, свайго халіфата, або прота-халіфата. Цяпер ІД распаўсюджваецца за мяжу. Гэта прадэманстравалі жудасныя атакі ў Парыжы, выбух на борце расейскага самалёта і нядаўнія выбухі ў Бейруце, у выніку якіх загінула мноства людзей", - заяўляе прафесар.

"Цяпер мы бачым, што ІД усё больш перакананае ў неабходнасці падрыхтоўваць або аказваць дапамогу ў падрыхтоўцы нападаў у іншых краінах, а гэта выклікае сур'ёзны непакой", - выводзіць прафесар Роджэрс.