Лукашэнка: Свет звар’яцеў

Беларускі дыктатар правёў перамовы ў фармаце «сам-насам» з Ільхамам Аліевым.

Яны мелі стасункі блізу дзвюх гадзін без чальцоў сваіх дэлегацый. Пасля Аляксандр Лукашэнка ды Ільхам Аліеў выйшлі ў іншую залу для таго, каб правесці перамовы ў пашыраным складзе, піша kp.by.

- Свет сышоў з розуму. Вы бачыце, што адбываецца. І ў гэтым зацятым, непрадказальным свеце нам сёння жыць, а дакладней нават выжываць. І мы трымацца павінны адзін аднаго для таго, каб супрацьстаяць тым пагрозам, якія сёння існуюць у свеце. Мы пра гэта таксама казалі і гэта не ўтойваем, - сказаў Аляксандр Лукашэнка.

Ільхам Аліеў пахваліў беларускага дыктатара за «стабільнасць».

- На эканамічны крызіс у многіх краінах накладваецца яшчэ палітычны і вайскова-палітычны крызіс, які дыктуе новыя падыходы ў развязанні праблем у перыяд канфрантацыі, - сказаў прэзідэнт Азербайджана. - Тая стабільнасць, якая існуе ў Беларусі - галоўны паказчык поспеху. Для нас Беларусь сяброўская брацкая дзяржава.

Праграмай візіту, які прадаўжаецца да 28 лістапада, запланаваныя перамовы Александра Лукашэнкі ды кіраўніка азербайджанскай дзяржавы ў вузкім і пашыраным складах, а таксама падпісанне міжнародных дакументаў.

Таксама Ільхам Аліеў ускладзе вянок да манумента Перамогі ў Менску, наведае Беларускі дзяржаўны музей гісторыі Вялікай Айчыннай вайны.