Дональд Туск: У ЕЗ прыбыло 1,5 мільёна нелегальных мігрантаў
6- 29.11.2015, 20:04
- 17,004
З пачатку 2015 года ў ЕЗ прыбыло 1,5 млн нелегальных мігрантаў.
Пра гэта заявіў у нядзелю прэзідэнт Еўрапейскай рады Дональд Туск, паведамляе "Еўрапейская праўда" са спасылкай на Reuters.
"Блізу 1,5 мільёна чалавек нелегальна прыбылі ў ЕЗ у 2015 годзе. Адны шукаюць прытулку і ўцякаюць ад вайны, іншыя шукаюць лепшага жыцця, і толькі невялікая колькасць мерыцца разбурыць нашы вартасці", - сказаў Туск.
Раней ён выказаў спадзяванне, што Турцыя і ЕЗ дасягнуць пагаднення, якое дазволіць разам змагацца з міграцыйным крызісам.
"Мы не можам перакладаць гэты абавязак на трэція краіны. Без кантролю на нашых вонкавых межах Шэнген стане гісторыяй", - падкрэсліў, аднак, ён.
Нагадаем, пад канец наступнага года ў Еўракамісіі прагназавалі прыбыццё да 3 млн уцекачоў і мігрантаў.