Дальнабойнікі перанеслі марш на Маскву праз перашкоды ДІБДР
2- 30.11.2015, 15:37
- 50,496
Кіроўцы цяжкавікоў, якія пратэстуюць супраць сістэмы «Платон», не паспяваюць дабрацца да сталіцы РФ у тэрмін.
Прызначаная на 30 лістапада акцыя пратэсту дальнабойнікаў на пад'ездах да Масквы пераносіцца, бо многія з яе ўдзельнікаў не могуць дабрацца да сталіцы. Пра гэта са спасылкай на заяву кіраўніка прафзвязу дальнабойнікаў Валерыя Вайтко паведамляе Business FM.
Сябра каардынацыйнай рады Асацыяцыі дальнабойнікаў Ігар Пасынкаў адзначыў, што супрацоўнікі ДІБДР спыняюць цяжкавікі на ўсіх кірунках. Паліцыянты праводзяць медыцынскі агляд кіроўцаў, адпраўляюць грузавікі на штрафстаянкі.
Не пускают даже фуры с грузом, на въезде в Вологду по трассе из Питера. Отняли док-ты на машины и груз, обещают отдать завтра, после 9.00
— Виталий Серуканов (@serukanov_v) 29 ноября 2015
Пры гэтым кіроўцы прадаўжаюць рух невялікімі групамі, каб быць менш прыкметнымі.
Колонну питерских #дальнобойщики серьезно пошерстили по дороге на Москву. Но несколько групп продолжают марш на Кремль.
— Сергей Гуляев (@Gulyaev_S) 30 ноября 2015
Прэс-сакратар прэзідэнта Расеі Дзмітрый Пяскоў у панядзелак заявіў, што ў Крэмль пакуль не паступала ліста са зваротам дальнабойнікаў. Аднак, паводле ягоных слоў, Уладзіміру Пуціну паведамляюць аб гэтых падзеях з інфармацыі СМІ.
Напярэдадні дальнабойнікі з Растова-на-Доне выступілі з відэа-зваротам да Пуціна, у якім паставілі ўльтыматум: калі плацежная сістэма «Платон» не будзе цалкам адключаная 3 снежня, то 4-га грузавікі рушаць на Маскву.
Акцыі пратэсту дальнабойнікаў праходзяць па ўсёй Расеі ўжо трэці тыдзень. Раней паведамлялася, што 30 лістапада пратэстоўцы з розных гарадоў планавалі перакрыць рух на МКАД.