«Адыс Абеба» развіталася з менчукамі
- 30.11.2015, 17:31
- 30,790
Выбітная беларуская рэгі-каманда спыняе сваё існаванне і адпраўляецца ў апошні музычны тур.
Пасля турнэ саліст групы Дзмітрый Іваноў з'язджае ў В'етнам, паведамляе «Новы Час».
Развітальны вечар з менскімі прыхільнікамі калектыву адбыўся 29 лістапада ў бары «Beer & Wine».
Канцэрт прайшоў пры поўным аншлагу: усе квіткі былі раскупленыя за некалькі дзён.
Калектыў існаваў 13 гадоў (з некаторымі перапынкамі) і за гэты час выпусціў 4 альбомы.
Каманда выйшла на сцэну са спазненнем амаль у гадзіну.
Музыкі пачалі з Вавілонскага цыклу песень, дзе кожная кампазіцыя звычайна большая за 4 хвіліны.
Пасля кожнай песні Дзіма Іваноў казаў толькі адно слова: «Дзякуй». Прычым менавіта па-беларуску.
Саліст гурта ўжо ад'язджаў у В'етнам на доўгі час. І вярнуўся. Таму ёсць імавернасць, што мы праз некаторы час зноў пачуем «Адыс Абебу».